Visita de Limòtges en occitan

L’òfici de torisme d’a Limòtges metet en plaça ‘na visita dau barí medievau de
l’Abessalha e de ‘queu daus Ponts. La "Permenada daus Ponticauds" (nom daus
abitants de ‘queu barí que constituavan, jusqu’a la segonda guerra mondiala, un
pòple quasi autònoma dins la vila rotge, emb sas tradicions, sos mestiers e son
biais particulari de far petar la lenga lemosina) es menada per lo Jan-Cristoù
Dordet que nombre de vosautres an crosat en quauqu’un luec en Occitania. La
visita es naturalament en occitan lemosin emb un pauc de françès per los «
estrangiers » que comprenen pas dau tot la lenga. Lo Dordet i parla de las
lavandieras de la Viena, daus ancians mestiers, de la catedrala e de sas
legendas, de l’epòpeia industriala de nòstra « Ròma dau socialisme »…
Las visitas partan de la catedrala Sent Esteve tots los dissabtes (dau 26 de
junh au 10 de setembre) a 21 oras 30. ‘Quò dura doas oras. ‘Qu’es vertadierament
‘na brava passejada. Se passetz a Limòtges ‘quel estiu, ‘qu’es de pas mancar!
Entresenhas a l’òfici de torisme: Bolevard de Fleurus 87000 Limòtges 05 55 34 46
87  www.tourismelimoges.com

E per ne’n saubre mai sus los Ponticauds e lor lenga, ‘natz far un torn sus lo
siti:
http://www.ponticauds.org